Նոր փաստեր թուրք ցուցարարի մահվան գործում

Հասարակական08:13, 14 Սեպտեմբեր 2013

Նոր փաստեր թուրք ցուցարարի մահվան գործում

Թուրքիայի հարավ-արևելյան Հաթայ նահանգում ցույցերի ժամանակ մահացած 22-ամյա ալևի Ահմեթ Աթաքանի գործով նոր փաստեր են ի հայտ եկել: Ըստ «Հաբեր ա» լրատվական կայքի՝ «ժողովրդահանրապետական» կուսակցության (ԺՀԿ-CHP) պատգամավոր Ռեֆիկ Էրյըլմազը սպանված ցուցարարի ընտանիքի հետ դատախազությանն է հանձնել գազային փամփուշտի պարկուճը, որի վրա եղել են մազեր և արյան հետքեր:

Անթաքիայում անցկացվող ցույցի ժամանակ Ահմեթը ցած էր ընկել շենքի տանիքից: Ըստ ամենայնի՝ նրա ընկնելու պատճառ էր դարձել կա՛մ հավասրակշռության կորուստը, կա՛մ գազային փամփուշտը:
Պատգամավոր Ռեֆիկ Էրյըլմազը հայտնել է, որ այդ պարկուճը գտել էին տվյալ փողոցի տղաները: Իրողությունը պարզելու համար դատախազությանը որպես փաստ ներկայացված պարկուճի վրա գնտված արյունը և մազերը կհամեմատվեն Ահմեթի արյան հետ:

«Ահմեթ Աթաքանի ընկած վայրը այսօր կրկին ուսումնասիրել եմ, բարձրացել եմ տանիք: Այդ տանիքից դժվար թե մի երիտասարդ հավասարակշռությունը կորցնելու հետևանքով ընկնի: Որպեսզի պետությունը կրկին վերականգնի ժողովրդի վստահությունը, պետք է ճշմարտությունը բացահայտի և այս հարցաքննության ուղղությամբ լուրջ աշխատաքներ տանի»,-եզրափակել է ընդդիմադիր պատգամավորը: