Թուրքիայի դպրոցներից մեկում աղջիկներին արգելվում է շրջազգեստ կրել

Հասարակական13:03, 18 Սեպտեմբեր 2013

Թուրքիայի դպրոցներից մեկում աղջիկներին արգելվում է շրջազգեստ կրել

Թուրքիայի Անթալիա քաղաքում գտնվող «Գազի Անադոլու» վարժարանում աղջիկներին արգելում են շրջազգեստ կրել: Դպրոցի տնօրեն Հայրի Բահշին այս որոշումը պատճառաբանել է նրանով, որ շրջազգեստով դպրոցի աստիճանները բարձրանալ-իջնելն անհարմար է:

Ըստ թուրքական «Ջումհուրիյեթ» պարբերականի`այսուհետ այս դպրոցում աղջիկները նույնպես տաբատ կկրեն: Այս որոշմանն ընդդիմացող մի ծնող ասել է. «Չեմ հասկանում այս արգելքի իմաստը: Փեշը արգելում են, սակայն միևնույն ժամանակ այդ նույն դպրոցում բազմաթիվ գլխաշորավոր ուսուցիչներ կան:Մենք մեր հանրապետության ձեռքբերումներից կամաց-կամաց հրաժարվում ենք»:

Ավելի վաղ ազգային կրթության Տրապիզոնի նահանագային վարչության պետ Թամեր Քըրբաչըն էր այս հարցում հայտնել իր անհանգստությունը ասելով, որ դպրոցներում տղաներն ու աղջիկները նույն աստիճաններով են բարձրանում- իջնում և աղջիկների` շրջազգեստ կրելու հարցը 2 տարի է իրեն անհանգստացնում է:

Ermenihaber.am