Թուրքիայի ներքին քարտեզը փոփոխության է ենթարկվելու

Հասարակական10:27, 23 Սեպտեմբեր 2013

Թուրքիայի ներքին քարտեզը փոփոխության է ենթարկվելու

Թուրքիայի Շրջակա միջավայրի և քաղաքաշինության նախարարության ղեկավարության ներքո քայլեր են կատարվում նահանգների, շրջանների և գյուղերի սահմանները որոշակիացնելու ուղղությամբ:

Թուրքական «Վաթան» թերթը տեղեկացնում է, որ Եվրամիությանը համապատասխանելու համար այդ աշխատանքների շրջանակում կփոխվեն 81 նահանգի 953 շրջանների և 34 հազար գյուղերի սահմանները:

Հանրապետությունից հետո ներքին քարտեզի համար հիմք են ծառայել բլուրները, ձորերը, ջրվեժները: Օրինակ՝ այդ ժամակաշրջանի սահմանագծման փաստաթղթերում հանդիպում են հետևյալ ձևակերպումներ. «Այս գյուղի սահմանը այդ բլուրից մինչև այն ձորն է»: Սակայն, քանի որ փաստաթղթում սարի, կամ ձորի անունը չի նշվել, գյուղերի միջև անհամաձայնություններ են առաջանում, ինչը հատկապես տարածված է Թուրքիայի արևելյան շրջաններում:

Նշվում է, որ դաշտերի, արոտավայերերի, անտառների և նմանատիպ հողատարծքների սահմանների գծումը վերջ կդնի գյուղերի և գյուղացիների միջև ծագող վեճերին: Սահմանների որոշումը չի հանգեցնի սեփականության փոփոխության:

Ermenihaber.am