Գեզիում սպանված ցուցարարների հիշատակին զբոսայգիներ են բացվել

Հասարակական10:27, 28 Սեպտեմբեր 2013

Գեզիում սպանված ցուցարարների հիշատակին զբոսայգիներ են բացվել

Ստամբուլում Գեզի զբոսայգու շուրջ ծավալված իրադարձությունների ընթացքում սպանված ակտիվիստների հիշատակին Չանաքայայում 6 այգի է բացվել: Այգիները անվանվել են ցուցարարների անուններով: 6 զոհերի անուններով եղևնիներ են տնկվել:

Այգիների բացման արարողությունը հեռարձակվել է հսկայական էկրաններով:
Սպանված ցուցարարներից մեկի մայրը նորատունկ ծառի վրա հող լցնելով ասել է. «Որդիս, մարդասպանները քեզ խլեցին ինձանից, սակայն մեզ համար դու դեռ ապրում ես»:

Հիշեցնենք, որ մայիսի 28-ից Թուրքիայում սկսված զանգվածային բողոքի ցույցերի պատճառն իշխանությունների քաղաքաշինական նոր ծրագիրն է, ըստ որի, Ստամբուլի կենտրոնական Գեզի զբոսայգու մեծ մասը պետք է ոչնչացվեր, իսկ ծառերը` հատվեին: Զբոսայգու ոչնչացմանն ու ծառահատմանն ընդդիմացած ցուցարարների դեմ թուրքական ոստիկանությունը բիրտ ուժ է կիրառել` օգտագործելով արցունքաբեր գազ, ջրցանմեքենաներ, պլաստիկ փամփուշտներ և հատուկ ջոկատայիններ: Հետևանքը եղավ այն, որ բնապահպանական բնույթի ցույցերն աստիճանաբար վերածվեցին հակառավարական ակցիաների և ընդգրկեցին Թուրքիայի տասնյակ քաղաքներ: Պաշտոնական տվյալների համաձայն` կան հարյուրավոր ձերբակալվածներ, վիրավորներ և 6 զոհ:

Ermenihaber.am