Թուրք հայտնիները` «ժողովրդավարացման փաթեթ»-ի մասին

Հասարակական14:12, 30 Սեպտեմբեր 2013

Թուրք հայտնիները` «ժողովրդավարացման փաթեթ»-ի մասին

Սեպտեմբեր 30-ին Թուրքիայի վարչապետ Ռեջեփ Էրդողանը հանրությանն է ներկայացրել երկրի բարեփոխումների «ժողովրդավարացման փաթեթը»: Թուրքիայի վարչապետի ելույթից քիչ անց վերոնշյալի մասին սկսել են լայնորեն քննարկումներ անել «թվիթեր» և «ֆեյսբուք» սոցիալական կայքերում: Քննարկումներից զերծ չեն մնացել նաև թուրք հայտնիները: Թուրքական «Փոսթա» կայքը ներկայացրել է նրանցից մի քանիսի` սոցիալական կայքերում արած գրառումները:

Մեհմեդ Ասլան. Կարծես լեռը առնետ է ծնել

Արմաղան Չաղլայան. «Ատության հողի վրա կատարված հանցագործություններ»-ի տարբերակումը ինչպե՞ս է արվելու: Օրինակ՝ «Ներեցե՛ք հույներ» արտաբերելը հիմա հանցա՞նք է: Հիմա եթե «թվիթերում» գրենք «Հույնի սերմ»,«հայի արգանդ»,«կեղտոտ հրեա»,մի՞թե նմանատիպ արտահայտությունները հանցանք են համարվում:

Ջեյհուն Յըլմազ. Ինչո՞ւ չեք գրում, որ մեր վրայից անեծքը հանվեց:

Բժիշկ էրոլ Քյոսե. Զարմանալի բան չկա, սպասվելիք փաստերն էին... Հայրենքին, ազգին հաջողություն թող լինի:

Քարոլին Ֆիշեքչի. Լավ հոդվածներ էլ կան, խնդրահարույց կետեր էլ կան, սակայն առանց կարդալու և ուսումնասիրելու չեմ ցանկանա մեկնաբանել:

Շեբնեմ Սյոնմեզ. Թթի ծառին բալ չես աճեցնի... Հոռետես Բեքիրի աֆորիզմ... Ժողովրդավարացման փաթե՞թ... Իսկ ո՞վ է այն պատրաստել : Այդտեղից ժողովրդավարություն չի լինի:

Ermenihaber.am