Ռադիքալ. «Օրեցօր աճում է Դիարբեքիրի Սբ. Կիրակոս հայկական եկեղեցի գնացող հավատացյալների թիվը»

Հասարակական12:49, 30 Սեպտեմբեր 2013

Ռադիքալ. «Օրեցօր աճում է Դիարբեքիրի Սբ. Կիրակոս հայկական եկեղեցի գնացող հավատացյալների թիվը»

Դիարբեքիրի հայերից ոմանք նախընտրում են մնալ իսլամադավան և ապրել այդպես, ոմանք էլ ծրագրում են քրիստոնեաբար մկրտվել և կրոնադարձ լինել և ապրել որպես քրիստոնյա հայեր:

Այս մասին հայտնում է թուրքական «Ռադիքալ» պարբերականի սյունակագիրներից Օրալ Չալըշլարը: Նա այցելել է Դիարբեքիր, շրջել տարբեր վայրերով, զրուցել տեղացիների հետ և ընդհանուր տպավորություն կազմել, թե ինչ է տիրում այնտեղ:

«Դիարբեքիրը հանդարտ վիճակում է: Սուրիչիում այցելեցինք ավերակների վերածված հայկական մի եկեղեցի, որը, նախապատրաստում են վերականգել»,- պատմում է Չալըշլարը: Նա նաև այցելել է Դիարբեքիրի արդեն վերամորոգված Սուբ Կիրակոս հայկական եկեղեցի և նկատել, որ օրեցօր աճում է եկեղեցի մտնող հավատացյալների թիվը: Եկեղեցու այգում ավելացել են նստարանների և սեղանների թիվը, որտեղ մարդիկ հավաքվում, սուրճ են խմում և զրույցի բռնվում:

«Ինձ պատմեցին բազմաթիվ դրամատիկ պատմություններ, թե ինչպես են Դիարբեքիրում և շրջակա այլ քաղաքներում բնակվող ծպտյալ հայերը պարզել իրենց ազգային ինքնությունն ու էթնիկ արմատները»:

Ermenihaber.am