ERMENI HABER AJANSI

Թուրքական «ŞEFKAT-DER» իրավապաշտպան կազմակերպությունը զեկույց է պատրաստել երկրում առկա սեռական ստրկության մասին: Զեկույցը անդրադարձել է սեռկաան ստրկությանն ու շահագործմանը: Ինչպես տեղեկացնում է «CNNTurk» լրատվականը, զեկույցի համաձայն` Թուրքիայի 55 նահանգներում պաշտոնապես գործող հասարակաց տներում աշխատող կանանց թիվը 3 հազար է, հասարակաց տներից դուրս մարմնավաճառությամբ զբաղվելու համապատասխան թույլտվություն ունեցող կանանց թիվը` 15 հազար: Իսկ թույլտվություն չունեցող, ոչ պաշտոնական հասարակաց տներում, հյուրանոցներում և փողոցներում մարմանավաճառությամբ զբաղվողների թիվն ավելի քան 100 հազար է, որոնցից 50 հազարը` անչափահասներ:

Ըստ ուսումնասիրությունների` սեռական ստրկության ենթարկվող  այդ երեխաները հիմնականում սոցիալապես անապահով ընտանիքներից կամ մանկատներից:

Նշենք, որ «ŞEFKAT-DER» կազմակերպությունը հայտնի է իր հետաքրքիր կոչերով և նախաձեռնություններով: Ոչ վաղ անցյալում «ŞEFKAT-DER»-ը կանանց նկատմամբ իրականացվող բռնություններից վերջ տալու համար իգական սեռի ներկայացուցիչների կոչ էր արել այսպես ասած` սեքսադուլ հայտարարել: Կազմակերպությունը նաև հանդես է եկել Թուքրիայում  տղամարդկանց հասարակաց տներ բացելու նախաձեռնությամբ:

Ermenihaber.am