Թուրքերն անհանգստացած են ԵԽԽՎ-ի որոշումից, որով արգելվում է տղա երեխաների թլպատումը

Հասարակական12:39, 10 Հոկտեմբեր 2013

Թուրքերն անհանգստացած են ԵԽԽՎ-ի որոշումից, որով արգելվում է տղա երեխաների թլպատումը

Թուրքիայի Ազգային Մեծ Ժողովի նախագահ Ջեմիլ Չիչեքը նամակ է ուղարկել Եվրոպայի Խորհրդի Խորհրդարանական Վեհաժողովի(ԵԽԽՎ) նախագահին` իր դժգոհությունը հայտնելով ԵԽԽՎ նստաշրջանի ընթացքում ընդունված «Երեխայի՝ մարմնի ամբողջականության հիմնարար իրավունքի մասին» որոշման վերաբերյալ:

Թուրք պաշտոնյայի պնդմամբ որոշումը, որը արգելում է մինչև 14 տարեկան տղաների թլպատումը, հակասում է մարդու` կրոնի և խղճի ազատության մասին իրավունքին:

Չիչեքի նամակում մասնավորապես ասվում է.

«Ձեզ գրում եմ «Երեխայի՝ մարմնի ամբողջականության հիմնարար իրավունքի մասին» որոշման վերաբերյալ մեր արձագանքն ու պահանջները ներկայացնելու համար: Ի հեճուկս ԵԽԽՎում թուրքական պատվիրակության բոլոր զգուշացումներին ու առարկություններին` այնուամենայնիվ ընդունված այս որոշումը կասկածի տակ է դնում մահմեդականների և հույների կրոնական հավատքի պահանջները հանդիսացող ավանդույթները և այն անընդունելի է մեզ համար:
Երեխայի՝ մարմնի ամբողջականության պահպանումը անկասկած եվրոպական ընտանիքի առաջնահերթություններից է: Սակայն դրա հետ միասին դարեր շարունակ կատարվող ավանդույթը , որը իրենից կրոնական պահանջ է ներկայացնում, ոչ թե վնասակար է մարմնական ամբողջականությունը, այլ` օգտակար: Միջազգային գիտական և մասնագիտական ընկերությունների կողմից էլ է բազմիցս հայտարարվել, որ թլպատման հարցը քննարկման առարկա դարձնելը հակասում է մարդու հիմնարար իրավունքների անքկատելի մասը հանդիսացող կրոնի և խղճի ազատությանը»:

Թուրքական խորհրդարանի նախագահը նամակում նաև նշել է, որ այս նախաձեռնությունը կասկած է հարուցում, որ նմանատիպ որոշումների նպատակը մահմեդակններին ու հրեաներին վիրավորելն է:

Ermneihaber.am