Թուրքիա.«Դեկոլտեի սկանդալից» հետո քննարկման առարկա է դարձել պարուհու «անկեղծ զգեստը»

Հասարակական13:14, 14 Հոկտեմբեր 2013

Թուրքիա.«Դեկոլտեի սկանդալից» հետո քննարկման առարկա է դարձել պարուհու «անկեղծ զգեստը»

Թուրքական «Show TV» հեռուստաալիքով հեռարձակվող հաղուրդումներից մեկին մասնակցող պարուհու հագուստը վերջին օրերին դեկոլտեի պատճառով թուրք հաղորդավարուհու աշխատանքից հեռացվելու դեպքից հետո քննարկման նոր առիթ է դարձել:

Ըստ թուրքական «Սոնդաքիքա» լրատվական կայքի` արևելյան պար ներկայացնող պարուհու զգեստը բակավականին «անկեղծ» է եղել: Եվ հաղորդումից անմիջապես հետո բոլորը հիշել են դեկոլտեի սկանդալը:

Հիշեցնենք, որ Թուրքիայում իշխող «Արդարություն և զարգացում» կուսակցության փոխնախագահ Հուսեին Չելիքի հայտնած դժգոհությունից հետո թուրք հեռուստահաղորդավարուհի Գյոզդե Քանսուն հեռացվել էր աշխատանքից: Չելիքին դուր չէր եկել հաղորդավարուհու դեկոլտեով հագուստը, ինչի մասին էլ արտահայտվել էր հրապարակավ:

Իսկ երեկվա հաղորդումից հետո թուրք հայտնիները թվիթեր սոցիալական ցանցում այս թեմայով հրապարակումներ են արել: Ահա դրանցից մի քանիսը.

Նուրգյուլ Յեշիլչայ. Հիմա ես չեմ հասկանում. պարուհու հագուստով կարելի է եթեր դուրս գալ, իսկ սովորական հագուստը պետք է փա՞կ լինի:

Օնուր Աքայ. Շատ սպասեցի բայց Հուսեյն Չելիքը այս թեմայով թվիթ չարեց: Թող Գյոզդե Քանսուն վերադառնա և պարուհու զգեստով եթեր դուրս գա:

Սալիհ Աքյըլդըզ. Դեկոլտեն արգելված է, իսկ պարուհու զգեստը` թույլատրելի:

Ֆունդա Էրքոչ. Արևելյան պարերի պարուհին էլ կարող է աշխատանքից հեռացվել, որովհետև «դեկոլտե» է կրում:

Ermenihaber.am