Ասորի հոգևոր առաջնորդ. «Ինչո°ւ Թուրքիայում ուժային ծառայության չեն վերցնում այլադավաններին»

Հասարակական08:59, 15 Հոկտեմբեր 2013

Ասորի հոգևոր առաջնորդ. «Ինչո°ւ Թուրքիայում ուժային ծառայության չեն վերցնում այլադավաններին»

Թուրքիայի անվտանգության գլխավոր վարչությունը Թուրքիայի ոչ մուսուլման քաղաքացիներին հրավիրել է մասնակցել ոստիկանության ընդունելության քննություններին:
Թուրքական «Հաբեր 10» լրատվական կայքը հայտնում է, որ Թուրքիայի ասորական համայնքը բողոքել էր, որ չնայած իրենք այդ երկրի քաղաքացի են, սակայն իրենց համայնքի ներկայացուցիչները ոստիկանական և զինվորական ծառայության չեն ընդունվում: Ասորական համայնքի հոգևոր առաջնորդ և պատրիարքի պաշտոնակատար արքեպիսկոպոս Յուսուֆ Չեթինը քննադատել էր՝ ասելով. «Քաղծառայության, զինվորականության, անվտանգության բնագավառներում ինչո՞ւ այլադավաններին չենզորակոչում բանակ»:

Այս քննադատություններից հետո Թուրքիայի անվտանգության գլխավոր վարչությունը «Twitter»-ի իր պաշտոնական միկրոբլոգում արձագանքել էր հնչեցված քննադատություններին՝ նշելով. «Առանց կրոնի, ռասայի և դավանանքի խտրականության Թուրքիայի քաղաքացի յուրաքանչյուր անձ կարող է ոստիկան լինել: Մեր ասորի քաղաքացիներին հրավիրում ենք մասնակցել առաջիկա ոստիկանության ընդունելության քննություններին և անցնել ծառայության իրավապահ մարմիններում»: