Հունաստանը չի թույլատրել նախակրթարաններում է թուրքերեն լեվով դասընթացներ անցկացնել

Հասարակական14:27, 23 Հոկտեմբեր 2013

Հունաստանը չի թույլատրել նախակրթարաններում է թուրքերեն լեվով դասընթացներ անցկացնել

Հունաստանի կրթության նախարարությունը մերժել է թուրք բնակչությամբ խիտ Արևմտյան Թրակիայի նախակրթարաններում թուրքերեն լեզվով ուսուցման կազմակերպելու առաջարկը: Թուրքական «Էն սոն հաբեր» լրատվական կայքը հայտնում է, որ դպրոցներում միաժամանակ հունարեն և թուրքերեն լեզուներով ուսուցում կազմակերպելու առաջարկով հանդես էր եկել «Բարեկամության, հավասարություն և խաղաղություն» կուսակցությունը: Վերջինիս նախաձեռնությամբ Հունաստանի պատկան մարմիններին երկու լեզուներով ուսուցում կազմակերպելու խնդրանքով երկու նամակ էր գրվել, որոնց բացասական պատասխան է տրվել:

Հունաստանի կրթության նախարարության պատասխան նամակում ասվում է, որ կրթության տեսանկյունից 2 տարբեր լեզուներով և ծրագրերով ուսուցման անցկացումը նախակրթարաններում անթույլատրելի է, այն հակասում է երեխաների հավասար կրթություն ստանալու իրավունքին: Հիշեցնենք, որ 2006 թվականին Հունաստանում ընդունված օրենքի համաձայն, 5 տարին լրացած բոլոր երեխաները` անկախ լեզվի, կրոնի և ազգային փոքրամասնության, իրավունք ունեն նախակրթարան հաճախել:

Ermenihaber.am