Թուրք գործիչ. «Եթե մենք էլ սիրիացիների օրն ընկենք, ո՞ւր ենք գնալու: Միայն կարող ենք ԱՄՆ գնալ, այն էլ որպես` ստրուկ»

Հասարակական10:40, 25 Հոկտեմբեր 2013

Թուրք գործիչ. «Եթե մենք էլ սիրիացիների օրն ընկենք, ո՞ւր ենք գնալու: Միայն կարող ենք ԱՄՆ գնալ, այն էլ որպես` ստրուկ»

Թուրքիայի «Բարօրություն» կուսակցության փոխնախագահ Յուսուֆ Յիղիթալփը խոսել է կառավարության ներկայացրած «ժողովրդավարցման փաթեթ»-ի մասին: Նա մասնավորապես կենտրոնացել է պետական մի շարք հիմնարկներում գլխաշոր (հիջաբ) կրելու արգելքը վերացնելու մասին կետի վրա` տարակուսանք հայտնելով, թե ինչու են հենց ընտրությունների շեմին հիշել այդ մասին:

«Բա ի՞նչ էիք 10 տարի մտածում»,- ավելի քան տաս 10 իշխանության եկած «Արդարություն և զարգացում» կուսակցությանն է հարցնում Յիղիթալփը` նշելով, որ Թուրքիան մահմեդական երկիր է և կրոնի պահանջն է դա, մինդեռ շահարկվումէ որպես գործիք: Վերջինս նաև անդրադարձել է սիրիացի փախստականների հարցին, որոնց հոսքը դադարեցնել ցանկացող Թուրքիան պատճառաբանում է, որ ապօրինի ներգաղթյալների համար տեղ չունի:

«Լավ, իսկ եթե մի օր մենք հայտնվենք Սիրիայի ժողովրդին պատուհասած դրության մեջ, որտեղ ենք ապաստարան փնտրելու: Սիրիա, Իրաք, Իրան կամ Հայաստան չենք կարողանալու գնալ: Կարող ենք միայն Ամերիկա գնալ, այն էլ` որպես ստրուկ»:

Նշենք, որ այս կուսակցությունն իսլամիստական ուղղվածություն ունի: Այս քաղաքական ուժի հենքի վրա է ստեղծվել ներկայումս Թուրքիայում իշխող «Արդարություն և զարգացում կուսակցությունը»: Տարբերությունը միայն այն է, որ Էրդողանի ղեկավարած «ԱԶԿ»-ն կանգնած է չափավոր իսլամիստների դիրքերի վրա:

Ermenihaber.am