Գենդերային հավասարության զեկույցում Թուրքիան 136 երկրների շարքում 120-րդ տեղում է

Հասարակական10:12, 26 Հոկտեմբեր 2013

Գենդերային հավասարության զեկույցում Թուրքիան 136 երկրների շարքում 120-րդ տեղում է

Համաշխարհային տնտեսական ֆորումը (World Economic Forum, WEF) հրապարակել է իր ամենամյա «Գենդերային հավասարության համաշխարհային վարկանիշը», որտեղ Թուրքիան 136 երկրների շարքում զբաղեցնում 120-րդ հորիզոնականը:

Թուրքական «Հյուրիյեթը» նշում է, որ զեկույցում Թուրքիայի արդյունքները ամենավատ արդյունքերից են: Պարբերականը նշում է, որ նույն վարկանշում Թուրքիան անցած տարի զբաղեցրել է 124-րդ տեղը իսկ 2006 թվականին` 115 երկրների շարքում եղել է 105րդը:

Զեկույցում նշվում է, որ թուրք կանանց շրջանում գործազրկությունը կազմում է 11% (տղամարդիկ 9%), կեսօր աշխատող կանայք 24% (տղամարդիկ 9%) են կազմում, իսկ
բանկային հաշիվ ունեն թուրք կանանց 23%, (տղամարդիկ 82%): Թուրքիայում ղեկավարի պաշտոն զբաղեցնում են կանանց 4 %ը:
Նույն զեկույցի համաձայն Հայաստանը 94-րդ տեղում է, իսկ անցյալ տարի 92-րդն էր:

2006-ից հրապարակվող այս վարկանիշի առաջատարը այս տարի ևս, ինչպես որ անցյալ տարի, Իսլանդիան է: Նրան հաջորդում են Ֆինլանդիան և Նորվեգիան: Լավագույն հնգյակը եզրափակում են Շվեդիան և Ֆիլիպինները:

Ermenihaber.am