Թուրքիայի կրոնական գործերի նախարարությունը քննել է յոգայի և էշի կաթի թույլատրելիության հարցը

Հասարակական07:55, 26 Հոկտեմբեր 2013

Թուրքիայի կրոնական գործերի նախարարությունը քննել է յոգայի և էշի կաթի թույլատրելիության հարցը

Թուրքիայի ներքին գործերի նախարարությունը, դիմելով Կրոնական գործերի նախարարությանը, հարցրել է, թե արդյոք երկրում գործող յոգայի կենտրոնները չեն հակասում կրոնին: Այս հարցի վերաբերյալ Կրոնական գործերի նախարարության պաշտոնական պատասխանում նշվել է, որ յոգայով կարելի է զբաղվել զուտ որպես մարզաձև, և այն կլինի անթույլատրելի, եթե փորձի ստաձնել կրոնական առաքելություն:

Բացի այդ, Կրոնական գործերի նախարարությունը քննել է նաև էշի կաթի օգտագործման թույլատրելիության հարցը: Կրոնական գործերի բարձրագույն խորհրդի անդամները վճռել են, որ այն կենդանիները, որոնց միսը չի թույլատրվում օգտագործել, դրանց կաթը և կաթից ստացված կաթնամթերքի օգտագործումը նույնպես հակասում է կրոնին: Սակայն այն կարելի է օգտագործել` առողջական անհրաժեշտությունից դրդված:

Այս մասին տեղեկացնում է թուրքական «Ջումհուրիյեթ» պարբերականը:

Ermenihaber.am