Տրանսսեքսուալ թուրքն ընտրվել է կուսակցության ղեկավար կազմի անդամ

Հասարակական09:51, 29 Հոկտեմբեր 2013

Տրանսսեքսուալ թուրքն ընտրվել է կուսակցության ղեկավար կազմի անդամ

Քրդական ընդդիմադիր խորհրդարանական «Խաղաղություն և ժողովրդավարություն» կուսակցությունից (ԽԺԿ-BDP) առանձնացած մի խումբ պատգամավորներ ստեղծել են նոր կուսակցություն` «Ժողովուրդների դեմոկրատիա» անվանումով:

Ըստ թուրքական «Ռոթահաբեր» լրատվական կայքի` նորաստեղծ կուսակցության ղեկավար կազմում ներառվել է «Էսմերայ» անունով հայտնի տրանսսեքսուալ Մեհմեթ Օզադիքլին: Վերջինս եղել է լեսբուհիներին, արվամոլներին և բիսեքսուալներին նվիրված շարժման ակտիվիստներից:

Օզադիքիլին մի ժամանակ սյունակ է վարել թուրքական «Թարաֆ» թերթում, անդրադարձել է սեռական ինքնության խնդիրներին, այդ թեմայով անգամ ներկայացումներ է բեմադրել թատրոնում, իսկ այնուհետև վիրահատվել է` ասելով. «Ազատվեցի իմ մարմնի անցանկալի կտորից»:

Նշվում է, որ նորաստեղծ կուսակցության ղեկավար խորհրդի կազմում ընդգրկված է նաև ազգությամբ հայ Թուրքիայի երկու քաղաքացի` Յեշիլքոյի հայկական 8-ամյա դպրոցի հիմնադիր Կարապետ Պալյանը և գրող Մկրտիչ Մարկոսյանը:

Ermenihaber.am