Թուրք կին պատգամավորներին թույլ է տրվել տաբատ կրել

Հասարակական12:05, 07 Նոյեմբեր 2013

Թուրք կին պատգամավորներին թույլ է տրվել տաբատ կրել

Թուրքիայի Ազգային մեծ ժողովի(ԹԱՄԺ-TBMM) սահմանադրական հանձնաժողովը ընդունել է կին պատգամավորներին տաբատ կրել թույլ տալու առաջարկը: Այս մասին տեղեկացնում է թուրքական «Սոնդաքիքա» լրատվական կայքը:

Առաջարկի համաձայն կին պատգամավորները ԹԱՄԺ-ի աշխատանքներին այսուհետև կարող են մասնակցել բաճկոնով ու շրջազգեստով կամ բաճկոնով ու տաբատով:

Նշենք, որ Թուրքիայում ընդդիմադիր «ժողովրդահանրապետական» (ԺՀԿ-CHP)
և իշխող «Արդարություն և զարգացում» (ԱԶԿ-AKP) կուսակցությունների միջև վեճ էր ծագել կին պատգամավորների գլխաշոր կրել-չկրելու վերաբերյալ քննարկումները:

Ընդդիմադիր կուսակցությունը ոչ մի կերպ չի համակերպվում վերջերս կատարված օրենսդրական փոփոխությանը, ըստ որի կին պատգամավորները կարող են գլխաշորով ներկայանալ մեջլիսի նիստերին: Սակայն որոշ պատգամավորներ այնուամենայնիվ շարունակում են խորհրդարան գալ գլխաշորով:

Ermenihaber.am