Հարսանիքներում թուրքական դրոշի առկայությունն անհանգստացրել է քրդերին

Հասարակական14:02, 14 Նոյեմբեր 2013

Հարսանիքներում թուրքական դրոշի առկայությունն անհանգստացրել է քրդերին

Վերջին օրերին Թուրքիայի հարավ-արևելյան Հաքքարի քրդաբնակ նահանգի Շեմդինլի շրջանում տեղի ունեցող հասրանիքներին թուրք զինվորների մասնակցությունը և նորապսակներին թուրքական դրոշ նվիրելու փաստը խիստ անհանգստացրել է «Քրդական համայնքների միությանը» (ՔՀՄ-KCK): Վերջինս համարվում է «Քուրդիստանի բանվորական կուսակցության» (ՔԲԿ-PKK) քաղաքական թևը:

Ըստ թուրքական «Հյուրրիյեթ» պարբերականի` ՔՀՄ-ականները թռուցիկներ են տարածել Շեմդինլիում և սպառնացել հարսանիքներին թուրքական դրոշին տուրք տվող զույգերին: «Մեր սիրելի ժողովրդին» վերտառությամբ թռուցիկներում նշված են որոշ մարդկանց անուններ, ովքեր մեղադրվում են դավաճանության մեջ: ՔՀՄ-ականները դատապարտում են թուրքական դրոշը հարսներին համբուրել տալու, երեխաներին փող բաժանելու վարքագիծը` համարելով դա քուրդ երիտասարդներին իրենց բարոյական արժեքներից հեռացնելու դավադիր միտում:

Ermenihaber.am