Թուրք նախկին նախարարն Օջալանին վիրավորելիս իր հայ ուսուցչուհուն է հիշել

Հասարակական08:43, 21 Նոյեմբեր 2013

Թուրք նախկին նախարարն Օջալանին վիրավորելիս իր հայ ուսուցչուհուն է հիշել

Պոլսահայ լրագրող Մարգար Եսայանը իր հոդվածում հիշեցրել է, որ Թուրքիայի նախկին ներքին գործերի նախարար Մերալ Աշքեները ժամանակին ներողություն էր խնդրել քրդերի առաջնորդ Աբդուլլահ Օջալանից՝ նրան «հայի վիժվածք» անվանելու համար:

Եսայանը թուրքական «Յենիշաֆաք» թերթում հրապարակված հոդվածում մեջբերել է հարցազրույցից մի հատված, որտեղ Աշքեները հայտնում է իր ափսոսանքը:
«-Ինչի՞ համար եք ափսոսում:
- 2 բանի համար եմ ափսոսում: Առաջինը, որ չեմ բացահայտել այն բարձրաստիճան զինվորականի անունը, ով Դեմիրելի հրահանգով ինձ սպառնացել էր: Իսկ երկրորդը՝ Ափոյին Աբդուլլահ Օջալան-խմբ. ասած խոսքերս համար եմ ափսոսում: Այդ խոսքերին ներում չկա: Այդ բառերն արտասանելուց հետո աչքերիս առաջ եկավ իմ անգլերենի հայուհի ուսուցիչը, որին շատ էի սիրում: Ինքս ինձ ասացի «Այս ի՞նչ արեցիր: Ինչպե՞ս ասեցիր դա, Մերալ: Բա՞ սազեց քեզ»:

Ermenihaber.am