Թուրքիայում ծխողների թիվը զգալիորեն նվազել է

Հասարակական09:16, 09 Հունվար 2014

Թուրքիայում ծխողների թիվը զգալիորեն նվազել է

Ծխախոտի օգտագործման սահմանափակման համար մղվող պայքարը Թուրքիայում շոշափելի արդյունքներ է տվել: Այս մասին հայտնում է թուրքական «Իհլաս» լրատվական գործակալությունը` վկայակոչելով Վաշինգտոնի համալսարանին կից ամերիկյան հետազոտական «İHME» կենտրոնի ուսումնասիրության արդյունքները: 2008 թվականին Թուրքիայում օրենքով արգելվեց ծխախոտի օգտագործումը ոչ բացօդյա վայրերում: Չորս տարվա ընթացքում արձանագրվել է ծխախոտի օգտագործման ծավալների տոկոսային նահանջ:

2008-2012թթ. ժամանակահատվածում Թուրքիայում ծխող տղամարդկանց թիվը 47.9 տոկոսից նվազել է 41.5 տոկոսի, իսկ ծխող կանանց թիվը` 15.2 տոկոսից 13.1 տոկոսի: Այդպիսով ենթադրվում է, որ Թուրքիայում 2.2 մլն մարդ կարողացել է հաղթահարել ծխախոտից ունեցած վտանգավոր կախվածությունը կամ ծխելու վնասակար սովորությունը: Նշվում է, որ 10-14 տարեկանների տարիքային խմբում ծխողների թիվը կազմում է 4.7 տոկոս:

Ermenihaber.am