Թուրքիայում 73 տոկոսը կարծում է, որ հակակոռուպցիոն օպերացիայի հետևում գյուլենական համայնքը

Հասարակական10:23, 13 Հունվար 2014

Թուրքիայում 73 տոկոսը կարծում է, որ հակակոռուպցիոն օպերացիայի հետևում գյուլենական համայնքը

«Գենար» հետազոտական ընկերությունը սոցհարցում է անցկացրել Թուրքիայում` պարզելու դեկտեմբերի 17-ի հակակոռուպցիոն օպերացիայից հետո հանրության շրջանում ինչ տեսակետներ կան տնտեսության և քաղաքականության վերաբերյալ: Հարցումն իրականացվել է 30 քաղաքներում, մասնակցել է 3 181 քաղաքացի:

Սոցհարցման արդյունքները ներկայացնում է թուրքական «Սաբահ» թերթը: Ըստ այդմ` հարցվածների 73 տոկոսը կարծում է, որ հակակոռուպցիոն օպերացիայի հետևում կանգնած է ամերկաբնակ թուրք Ֆեթհուլլահ Գյուլենի գլխավորած գյուլենական համայնքը: 70.6 տոկոսը կարծում է, որ այդ ամենը կազմակերպել են օտարերկրյա ուժերը:

Այնուհետեև նշվում է, որ 63.3 տոկոսը համոզված է, որ դրա նպատակն է կանգնեցնել օրեցօր հզորացող Թուրքիային: Հարցին, թե արդյոք գյուլենական համայնքը երկրի ներսում ստեղծել է զուգահեռ պետությունը, հարցվածների 73.9 տոկոսը դրական պատասխան է տվել:

Ermenihaber.am