Հայկո Բաղդադը բաց նամակ է հղել հայերին մեղադրող քուրդ գործչին

Հասարակական08:56, 13 Հունվար 2014

Հայկո Բաղդադը բաց նամակ է հղել հայերին մեղադրող քուրդ գործչին

«Քրդական համայնքների միության» (KCK-ՔՀՄ) գործադիր խորհրդի համանախագահ Բեսե Հոզաթի վերջին հայտարարությունը, թե հայկական, հունական ու իսրայելական լոբբիները «զուգահեռ պետություններ» են Թուրքիայի ներսում, մեծ իրարանցում էր առաջացրել թուրքական մամուլում և դարձել քննարկման առարկա:

Թուրքական «Թարաֆ» թերթի սյունակագիր հայազգի Հայկո Բաղդադը բաց նամակ է հղել Հոզաթին՝ մի շարք հարցեր բարձրացնելով:

«Ո՞վքեր են այն հայերը և հույները, որոնք իբրև թե խոչընդոտում են Թուքիայի ժողովրդավարացմանը:

Թուրքիայում 60000 հայ, 20000 հրեա և 1500 հույն է մնացել:

Ձեր ասած «զուգահեռ պետություն» կառույցի մեջ վերոնշյալ ազգային փոքրամասնությունները տե՞ղ են գտնում:

Դուք կարծո՞ւմ եք, որ հայ, հույն և հրեա քաղաքացիները գործում են այնպիսի կառույցներում, ինչպիսիք են հատուկ նշանակության բաժինը և JİTEM-ը, որոնց անունները հիշատակվում են մի շարք սպանությունների գործով:

Ձեր նշած ազգերի ներկայացուցիչներն արդյո՞ք մեր բարեկամներն են, որոնց սփյուռքահայեր ենք անվանում և ովքեր ցեղասպանության ենթարկվեցին, հայրենազրկվեցին ու գոյություն փորձում են այլ երկրներում պահպանել:

Եթե այո, ապա «ազգայնական հայ և հույն լոբիստական ուժերը» կոնկրետ ի՞նչ վնաս են հասցրել քրդական հարցի կարգավորման գործընթացին:

Հաշվի չե՞ք առնում, որ ձեր արտահայտությունները մեր բոլորի կյանքն անտանելի դարձնող այլտայացության համար գործիք կարող են դառնալ:

Չե՞ք կարծում, որ ձեր արտահայտությունները առաջացնում են բարոյալքություն մի ժամանակահատվածում, երբ, «Ժողովուրդների դեմոկրատական կուսակցությունը» (HDP-ԺԴԿ) բոլոր ազգերին միավորելով, պատրաստվում է մասնակցել ընտրություններին:

Գիտե՞ք, որ ձեր հայտարարությամբ վիրավորում եք յուրաքնաչյուր հայի, հույնի և հրեայի: Տեղյակ ե՞ք, որ ԺԴԿ-ում ընդգրկված են մեծ թվով ազգային փոքրամասնության ներկայացուցիչներ»,-գրում է Բաղդադը` քուրդ գործչին հիշեցնելով, որ բազմաթիվ դժվարություններ հայերը, քրդերը և ազգային այլ փոքրամասնություններ միասին են հաղթահարել Թուրքիայում: