Թուրք գործիչ. «Հայաստանը տարածաշրջանի ամենաաղքատ երկիրն է»

Հասարակական08:21, 16 Հունվար 2014

Թուրք գործիչ. «Հայաստանը տարածաշրջանի ամենաաղքատ երկիրն է»

Թուրքիայի Աթաթուրքի անվան համալսարանի դասախոս, «Ցեղասպանության անհիմն պնդումների դեմ պայքարի միություն» կոչվող կազմակերպության նախագահ Սավաշ Էղիլմեզը հայտարարել է, թե Հայաստանը տարածաշրջանի ամենաղքատ երկիրն է, իսկ հայ ժողովրդի բարեկեցության մակարդակը օր օրի նվազում է:

Ըստ Էղիլմեզի՝ միայն թուրքերն են, որ հայերի նկատմամբ կարեկից են եղել, բարեկամաբար վարվել և չեն խաբել, իսկ մյուս պետությունները միշտ օգտագործել են հայերին և խաբել:

Ինչպես տեղեկացնում է թուրքական «Հաբերջինիզ» լրատվական կայքը՝ Էղիլմեզը հայտարարել է, թե հայ ժողովրդին, որին Առաջին համաշխարհային պատերազմից առաջ և հետո խաբում էին Անգլիան և Ռուսաստանը, այժմ սեփական երկրի ղեկավարներն են մոլորեցնում:

«Մինչդեռ հայ հասարակութունն ուշադրությունը կենտրոնացրել է ցեղասպանության խնդրի շուրջ»,- ընդգծել է թուրք գործիչը:

Ermenihaber.am