Հակակոռուպցիոն օպերացիայից հետո Թուրքիայի իշխող կուսակցության վարկանիշն ընկել է

Հասարակական12:37, 03 Փետրվար 2014

Հակակոռուպցիոն օպերացիայից հետո Թուրքիայի իշխող կուսակցության վարկանիշն ընկել է

Թուրքիայում դեկտեմբերի 17-ին տեղի ունեցած հակակոռուպցիոն աղմկահարույց օպերացիայից հետո իշխող «Արդարություն և զարգացում» կուսակցության (ԱԶԿ-AKP) վարկանիշը նվազել է:

Թուրքական «Զաման» թերթը հրապարակել է սոցհարցման տվյալները, որոնք կատարվել են 42 նահանգում: Սոցհարցմանը մասնակցել է 3038 քաղաքացի: Սոցհարցման նպատակն է ՏԻՄ (տեղական ինքնակառավարման մարմիններ) ընտություններից առաջ պարզել բնակչության կողմնորոշումը:

Ըստ սոցհարցման արդյունքների՝ իշխող ԱԶԿ-ի պատմության ընթացքում ամենացածր վարկանիշն է գրանցվել:

ԱԶԿ-ին կողմ է արտահայտվել 36,4 տոկոսը: Գլխավոր ընդդիմադիր «Ժողովրդահանրապետական» կուսակցությանն իր ձայնը տվել է 28,8 տոկոսը, իսկ «Ազգայնական շարժում» կուսակցությանը՝ 20,5 տոկոսը, քրդական « Խաղաղություն և ժողովրդավարություն» կուսակցությանը՝ 7,4 տոկոսը:

Նշվում է, որ ավելացել է ՏԻՄ ընտրությունների վերաբերյալ հստակ դիրքորոշում հանդես չբերող քաղաքացիների թիվը: Նրանց թիվը կազմում է հարցվածների 21,5 տոկոսը: Իսկ 18,7 տոկոսը հայտնել է, որ իր ընտությունը կախված է թեկնածուի անձից:

Ermenihaber.am