Ուլուդաղ լեռան վրա մոլորված վրաստանցի զբոսաշրջիկին փրկել է հայ ընկերոջն ուղարկած «tweet»-ը

Հասարակական14:28, 10 Փետրվար 2014

Ուլուդաղ լեռան վրա մոլորված վրաստանցի զբոսաշրջիկին փրկել է հայ ընկերոջն ուղարկած «tweet»-ը

Թուրքիայի Ուլուդաղ լեռան վրա մոլորված Վրաստանի քաղաքացի Միկոլոս Օմարովին փրկել է ընկերոջը` ՀՀ քաղաքացի Աշոտ Սուքիասյանին ուղարկած «tweet»-ը:

29-ամյա Միկոլոս Օմարովը և 27-ամյա Աշոտ Սուքիասյանը Ուլուդաղում անցկացնում էին իրենց հանգիստը: Սակայն երեկ առավոտյան Միկոլոս Օմարով դահուկով սահելու ժամանակ մոլորվել է: Նա կորցրել է ճանապարհը զրոյական զրոյական տեսանելիության պատճառով և թաղվել է ձյան մեջ: Միկոլոսը մոտ 30 րոպե փորձել է դուրս գալ ձյան միջից և գտնել ճանապարհը, սակայն, տեսնելով, որ իր ջանքերը անիմաստ են ընկերոջը` Աշոտ Սուքիասյանին Twitter սոցիալական ցանցի միջոցով նամակ է ուղարկել, գրելով` «Ճանապարհս կորցրել եմ, ցրտահարվում եմ»: Աշոտը այս մասին արագ տեղեկացրել է իրավապահ մարմիններին, որոնք էլ 10 հոգանոց փրկարար խմբով սկսել է որոնման աշխատանքները:

2 ժամ անց փրկարարները գտել են Միլոսին` մինչև ծնկները ձյան մեջ թաղված: Նրան արագ տեղափոխել են հիվանդանոց` փրկելով ցրտահարությունից: Այս մասին տեղեկացնում է թուրքական «Սոնդաքիքա» լրատվական կայքը:

Ermenihaber.am