Թուրքիայում վարդագույն ավտոկայանատեղին քննարկման առիթ է դարձել

Հասարակական09:02, 18 Փետրվար 2014

Թուրքիայում վարդագույն ավտոկայանատեղին քննարկման առիթ է դարձել

Անթալիայում հատուկ կանանց համար վարդագույն ավտոկայանատեղի է ստեղծվել: Անթալիայի առևտրի կենտրոններից մեկի 3000 մեքենայի համար նախատեսված ավտոկայանատեղիում 500 ավտոմեքենայի համար հատուկ տեղ է հատկացվել, որտեղ կարող են կայանել միայն կանայք: Վարդագույն ավտոկայանատեղին սովորականից 5 մետր ավելի լայն է , որպեսզի կանայք կարողանան հեշտությամբ կայանել մեքենան: Ըստ թուրքական «Ռադիկալ» թերթի`այս նախաձեռնությունը ոչ միանշանակ է ընդունվել հասարակության կողմից:

Գալաթասարայ համալսարանի դասախոս Հյուլյա Ուղուր Թանրըովերը պնդում է, որ այս ավտոկայանատեղին կանանց նկատմամբ սեռական խտրականության դրսևորում է:

«Եթե շատ են ուզում, թող փողոցներում կանանց մեքենաների համար առանձին ճանապարհ առանձնացնեն: Քանի որ, ինչպես գիտենք, փողոցներում կին վարորդներին «նեղություն են տալիս»: Իսկ Ստամբուլի ֆեմինիստական կազմակերպության անդամ Հասբիյե Հյունաթչն ասում է, որ Կանանց իզոլացնելը ստարացուցիչ է, և ոչ թե պետք է կանանց համար կայանատեղի առանձնացնել, այլ տղամարդկանց «դաստիարակել»:

Ermenihaber.am