Էրդողանը և նորակառույց շան բունը` Մուսա Քարտի ծաղրանկարում

Հասարակական08:28, 01 Մարտ 2014

Էրդողանը և նորակառույց շան բունը` Մուսա Քարտի ծաղրանկարում

Թուրք անվանի ծաղրանկարիչ Մուսա Քարտն անդրադարձել է վերջին օրերին մեծ աղմուկ բարձրացրած Թուրքիայի վարչապետի` Ռեջեփ Թայիփ Էրդողանի և նրա որդու` Բիլալ Էրդողանի հեռախոսազրույցների ձայնագրությունների թեմային: Կոռուպցիոն սկանդալի հետ կապվող այդ ձայնագրություններում Էրդողանը որդուն հրահանգում է դրամական միջոցները տեղափոխել այլ տեղ` ի պահ, իսկ երկրորդ ձայնագրությունում քննարկում է Սըթքի Այան անունով մի գործարարից 10 միլիոն դոլար կաշառք վերցնելու թեման:

Մուսա Քարթը թուրքական ընդդիմադիր «Ջումհուրիյեթ» օրաթերթում հրապարակած իր ծաղրանկարում պատկերել է նորակառույց շան բուն, որի մոտ մուրճը ձեռքին կանգնած Թուրքիայի վարչապետը որդուն կարգադրում է.

«Վերջին օրենքն էլ է արդեն պատրաստ... Բիլալ, դա մեր դռան առաջ կդնես»:

Այս կերպ ծաղրանկարիչը փորձել է ցույց տալ օրենքներն իրենց անձնական շահերին հարմարեցնել ջանացող Էրդողանի և իր որդու մութ գործարքները:

Ermenihaber.am