Կ.Պոլսի հույն պատրիարքը դեմ է Սուրբ Սոֆիա տաճարը մզկիթի վերածելուն

Հասարակական11:15, 06 Մարտ 2014

Կ.Պոլսի հույն պատրիարքը դեմ է Սուրբ Սոֆիա տաճարը մզկիթի վերածելուն

Կոստանդնուպոլսի հույն ուղղափառ եկեղեցու տիեզերական պատրիարք Բարդուղիմեոսը պատասխանել է Ստամբուլի Սուրբ Սոֆիա տաճարը կրկին մզկիթի վերածելու շուրջ շրջանառվող լուրերին:

Պատարագից հետո քարոզի ժամանակ պատրիարքը հայտնել է, որ տաճարը մզկիթի վերածելու դեպքում ամբողջ քրիստոնյա աշխարհը անկախ դավանաբանական տարբերությունների միասնականորեն դեմ դուրս կգա այդ որոշմանը:
Թուրքիայում հրապարկվող երկլեզու «Ակոս» շաբաթաթերթի տեղեկացմամբ՝ պատրիարքն ընտգծել էր, որ եթե տաճարը պետք է բացի իր դռները հավատացյալների առջև, ապա միայն քրիստոնեական հավատքի համար:

Տեղեկացնենք, որ ուղղափառ եկեղեցու գլխավոր սրբավյարերից մեկը համարվող տաճարը 1451 թվականին Կ.Պոլսի գրավումից հետո վերածվել էր մզկիթի: Միայն 1935 թվականին Աթաթուրքի հրամանով այն վերածվեց թանգարանի և մինչև օրս գործում է որպես թանգարան:

Ermenihaber.am