Vatan. Էլվանին ու Դինքին սպանողները պաշտպանվում են պետության կողմից

Հասարակական09:07, 13 Մարտ 2014

Vatan. Էլվանին ու Դինքին սպանողները պաշտպանվում են պետության կողմից

Գեզիի ցույցերի ժամանակ ոստիկանների կողմից ծանր վիրավորված և 269 օր կոմայի մեջ անցկացրած 15-ամյա Բերքին Էլվանի մահը հասարակական նոր հուզումների պատճառ է դարձել: Նախօրեին պատանու հուղարկավորության ժամանակ հավաքված հազարավոր քաղաքացիներ իրենց բողոքն են արտահայտել իշխանությունների դեմ:

Թեմային անդրադարձած «Վաթան» օրաթերթի սյունակագիր Ռուշեն Չաքըրը համեմատականներ է անցկացրել Էլվանի և Հրանտ Դինքի ողբերգական մահվան միջև: Հոդվածի հեղինակը նմանություններ է նկատել նաև նրանց հուղարկավորությունների ժամանակ հանրության դրսևորած վարքի մեջ:

«Երկուսն էլ այս երկրի հալածյալ հատվածներից են սերում. Հրանտը հայ է, Բերքինը` ալևի: Երկուսի մահվան մեջ էլ ամենառաջաին պատասխանատուն պետությունն է: Երկուսի մարդասպաններն էլ պետության կողմից պաշտպանվում են»,- գրում է Չաքըրը: Վերջինս ենթադրաբար կարծում է, որ Գեզիի 6-րդ զոհի` Բերքին Էլվանի մահից հետո Թուրքիայում շատ բան պետք է փոխվի ու թերևս կփոխվի:

Ermenihaber.am