Քուրդ պատգամավորը հայտարարել է, որ 2015-ին Օջալանը ազատ է արձակվելու

Հասարակական07:45, 21 Մարտ 2014

Քուրդ պատգամավորը հայտարարել է, որ 2015-ին Օջալանը ազատ է արձակվելու

Թուրքիայի ընդդիմադիր քրդական «Խաղաղություն և ժողովրդավարություն» կուսակցության (ԽԺԿ-BDP) Իգդիրի պատգամավոր Փերվին Բուլդանը նովրուզի տոնակատարությունների շրջանակներում քաղաքացիների հետ հանդիպման ժամանակ սենսացիոն հայտարարություն է արել:

Թուրքական «Բալըքեսիր» լրատվականի տեղեկացմամբ` Բուլդանը հայտարարել է, որ 2015 թվականը լինելու համայն քրդերի տարին, քանի որ դա լինելու քրդերի բանտարկյալ առաջնորդ Աբդուլլահ Օջալանի ազատ արձակման տարի: Պատգամավորը նաև հիշեցրել է, որ Մարդու իրավունքների եվրոպական դատարանը (ՄԻԵԴ) Օջալանի ցմահ ազատազրկումը հակասում է մարդու իրավունքների կոնվենցիային:

Հեռակա դիմելով Թուրքիայի արդարադատության նախարար Բեքիր Բոզդաղին` Բուլդանը հայտնել է, որ մարտի 21-ին Դիարբեքիրում քրդերեն լեզվով ընթերցելու է Իմրալը կղզում ցմահ ազատազրկված Օջալանի` Նովրուզի առթիվ գրած նամակը: Նախնական կարգով տեղեկացրել է, որ Օջալանն իր նամակում ժամկետ է սահմանել թուրքական իշխանությունների գործողությունների համար, եթե այդ ընթացքում պետությունը ոչ մի քայլ չկատարի, ապա Օջալանը դուրս կգա թուրք-քրդական կարգավորման գործընթացից:

Ermenihaber.am