Թուրքիայի քաղաքացի զբոսաշրջիկների միայն 4.9 տոկոսն է մեկնում Ադրբեջան

Հասարակական10:53, 27 Մարտ 2014

Թուրքիայի քաղաքացի զբոսաշրջիկների միայն 4.9 տոկոսն է մեկնում Ադրբեջան

Թուրքիայի վիճակագրական ծառայությունը հրապարակել է տվյալներ, համաձայն որոնց, այդ երկրի քաղաքացիներն արտագնա զբոսաշրջության ժամանակ ամենաշատը նախապատվություն տալիս են հարևան Վրաստանին:

2013 թվականի ընթացքում Թուրքիայից արտագնա զբոսաշրջության է մեկնել 7.5 մլն քաղաքացի: Արտերկրում կատարած նրանց տուրիստական ծախսերը հաշվվում է մոտավորապես 5.3 մլրդ դոլար:

Արտասահմանյան զբոսաշրջության մեկնած Թուրքիայի քաղաքացիների 50 տոկոսը գերադասել է ուղևորվել ցամաքային, 43 տոկոսը` օդային, 7 տոկոսը` ծովային և երկաթուղային փոխադրամիջոցներով: Ամենաշատը Ստամբուլի բնակիչներն են մեկնել արտագնա տուրիզմի` կազմելով 22 տոկոս:

Թուրքիայի քաղաքացի հանդիսացող զբոսաշրջիկների այցելությանն արժանացող երկրների շարքում առաջատարը Վրաստանն է (15.6 %), այնուհետև Բուլղարիան (8 %): Եռյակը եզրափակում է Հունաստանը` 4.9 % ցուցանիշով: Չորրորդ և հինգերորդ տեղերում համապատասխամաբար հանգրվանել են Ադրբեջանը (4.9 %) և Գերմանիան (4.2 %):

Ermenihaber.am