Թուրքական իշխանությունները դիմել են ընտրակեղծքիների. ուշագրավ մի փաստ

Հասարակական08:11, 31 Մարտ 2014

Թուրքական իշխանությունները դիմել են ընտրակեղծքիների. ուշագրավ մի փաստ

Նախօրեին Թուրքիայում անցկացված տեղական ինքնակառավարման մարմինների (ՏԻՄ) ընտրություններում արձանագրվել են ոչ միայն խմբակային բախումների, անկարգությունների, սպանությունների դեպքեր, այլ նաև գործող իշխանությունների կողմից կատարված ընտրակեղծիքներ: Թուրքական լրատվամիջոցներն ուշադրություն են հրավիրում Ստամբուլի Բաքըրքյոյ վարչական շրջանի թաղամասերից մեկի ընտրատեղամասում նկատված ուշագրավ մի ընտրակեղծիքի վրա:

Ինչպես հայտնում է«Հաբերդար» լրատվական կայքը, Բաքըրքյոյի Զեյթինլիք թաղամասի բնակիչներից մեկը քվեարկություն կատարելուց առաջ, երբ աչքի է անցկացրել իրենց բազմաբնակարան շենքի բնակիչների ընտրացուցակը, հանկարծ նկատել է, որ 6-րդ հարկի հարևան բնակարանում, որտեղ փաստացիորեն ոչ ոք չի ապրում, որպես ընտրող գրանցված է 40 մարդ:

Ընտրախախտումը նկատած քաղաքացին անմիջապես ընտրական հանձնաժողովին ահազանգել է խնդրի մասին, բայց ոչ մի արդյունքի չի հասել:

Նշենք, որ հրապարակված նախնական տվյալների համաձայն` ՏԻՄ ընտրություններում իշխող «Արդարություն և զարգացում» կուսակցությունը ստացել է ընդհանուր ձայների 45, իսկ գլխավոր ընդդիմադիր «Ժողովրդահանրապետական կուսակցությունը» (ԺՀԿ)` 28 տոկոսը:

Ermenihaber.am