Այսօր հայտնի կդառնա Թուրքիայում «Twitter»-ի հետագա ճակատագիրը

Հասարակական07:56, 14 Ապրիլ 2014

Այսօր հայտնի կդառնա Թուրքիայում «Twitter»-ի հետագա ճակատագիրը

«Twitter» միկրոբլոգի ղեկավարներից մեկը` Քոլին Քրոուելը այսօր կմեկնի Թուրքիա` այդ երկրում «Twitter»-ի հետագա ճակատագիրքը քննարկելու համար:

Քրոելը հանդիպումներ կունենա Թուրքիայի Տեղեկատվական տեխնոլոգիաների և հաղորդակցության խորհրդի, ինչպես նաև Հեռահաղորդակցություն և կապի վարչության ղեկավարների հետ և կքննարկի միկրոբլոգի հետագա պլանները և դրանց համապատասխանությունը Թուրքիայի օրենսդրական դաշտին:

Հիշեցնենք, որ մարտի 21-ին Թուրքիայում արգելափակվել էր «Twitter» միկրոբլոգը ,այն բանից հետո, երբ վարչապետ Ռեջեփ Թայիփ Էրդողանը ՏԻՄ ընտրությունների նախընտրական քարոզարշավի շրջանակներում Բուրսա քաղաքում հրավիրված հանրահավաքի ժամանակ հայտարարել էր. «Թվիթեր-մվիթեր, այդ ամենը արմատախիլ ենք անելու»:

Սակայն ավելի ուշ Թուրքիայի ՍԴ-ն հակասահմանադրական ճանաչեց սոցկայքի արգելափակումը և դրա հասանելիությունը վերականգվեց:

Ermenihaber.am