Սևան Նիշանյան. «Ես հայ և սոցիալիստ լինելու պատճառով եմ բանտում»

Հասարակական13:14, 25 Ապրիլ 2014

Սևան Նիշանյան. «Ես հայ և սոցիալիստ լինելու պատճառով եմ բանտում»

Թուրքիայի գլխավոր ընդդիմադիր «Ժողովրդահանարպետական» կուսակցության կալանավայրերի մոնիթորինիգի հանձնաժողովի անդամ Նուրեթթին Դեմիրը այցելել է պոլսահայ գրող և լեզվաբանՍևան Նիշանյանին, ով պատիժ է կրում Իզմիրի Ալիաղա բանտում:
Թուրքական «Դեմոկրատ հաբեր» լրատվական կայքը փոխանցում է, որ մենախցում Նիշանյանն իր օրերն անցկացնում է շատ վատ պայմաններում: Նա իրեն զգում այնպես, «ասես ստերիլ միջավայրում փաթեթավորած լինի»:
Դեմիրի հարցին, թե ինչու է բանտում հայտնվել, Նիշանյանը հետևյալ կերպ է պատասխանել. «Լեզուս ատամներիս արանքում չեմ կարողանում պահել: Բյուրոկրատիայի հետ հարաբերություններս երբեք լավ չեն եղել: Եթե կարճ ասեմ, ապա սոցիալիստ եմ, հայ եմ և կտրուկ: Իմ այս յուրահատկությունների պատճառով բազմաթիվ դատական հայցեր են ներկայացվել իմ դեմ: Եթե մեկ ուրիշի պարագայում դրանք կանտեսվեին, իմ դեպքում հանցագործություն է համարվում»:

Նիշանյանը նաև տեղեկացրել է, որ 1-2 տարի է, ինչ Թուրքիայի վարչապետ Ռեջեփ Թայիփ Էրդողանի և իր հարաբերությունները փչացել են: Ըստ նրա՝ իր վրա հարձակման են անցել, «Թարաֆ» թերթում Էրդողանի դեմ գրած իր հոդվածները պատրվակ դարձնելով, իբրև թե դրանցով վիրավորանք է հասցնել իսլամին:

Ermenihaber.am