Աթաթուրքի հայ ատամնաբույժի թոռը շնորհակալություն է հայտնել Էրդողանին

Հասարակական07:33, 28 Ապրիլ 2014

Աթաթուրքի հայ ատամնաբույժի թոռը շնորհակալություն է հայտնել Էրդողանին

Թուրքաբնակ հայ գործարար Լեոն Արմանլըն շնորհակալական հայտարարություն է տարածել Թուրքիայի վարչապետ Ռեջեփ Թայիփ Էրդողանի ցավակցական ուղերձին ի պատասխան:

Շնորհակալական ուղերձը հրապարակվել է թուրքական «Հյուրրիյեթ» թերթում:

Արմանլըն նշել է, որ իր պապը Լեոն Հակոբյանը Աթաթուրքի ատամնաբույժն է եղել, ինքը ծառայել է թուրքական բանակում, իր երեխանները սովորում են թուրքական դպրոցներում, իսկ Թուրքիայում ապրող հայ քաղաքացիները շատ երջանիկ են և այնտեղ ապրելու համար իրենց շատ հպարտ են զգում:

Արմանլըն, անցելով Էրդողանի գովերգին, նշում է, թե նա իսկապես մեծատառով մարդ է, մեծ պետական այր:

Հայրական կողմից հայկական արմատներ ունեցող գործարարը Էրդողանին համեմատում է նաև Աթաթուրքի հետ՝ նրան անվանելով Աթաթուրքից հետո 2-րդ մեծագույն պետական գործիչ:

Հիշեցնենք, որ Քեմալ Աթաթուրքը Թուրքիայի Հանրապետության հիմնադիրն է եղել և առաջին նախագահը:

Ermenihaber.am