Աթաթուրքը դժոխքի առաջնորդն է. Թուրքիայի քաղաքացու գրառումը սոցկայքում

Հասարակական13:17, 29 Ապրիլ 2014

Աթաթուրքը դժոխքի առաջնորդն է. Թուրքիայի քաղաքացու գրառումը սոցկայքում

«Թուրքիայի ավիաուղիներ» ընկերությունում որպես տեխնիկ աշխատող Ֆաթիհ Յեշիլօվան FaceBook սոցիալական կայքում մեկնաբանություններ է թողել` բացահայտ վիրավորանքներ ուղղելով Թուրքիայի Հանրապետության հիմնադիր Քեմալ Աթաթուրքին:

Այս մասին հայտնող թուրքական «Ջումհուրիյեթ» պարբերականը նշվում է, որ սոցկայքում տեղադրված է եղել Պակիստանում արված մի վահանակի լուսանկար, որտեղ գրված է «Ataturk Avenue» (Աթաթուրքի պողոտա): Յեշիլովան էլ նկարի տակ կատարել է հետևյալ գրառումը.

«Ալլահը թող պակիստանցիներին խելք տա, մեզ էլ, նրանց էլ ազատի այս փորձանքից»:

Յեշիլովան Աթաթուրքին նաև անվանել է գյավուր (անհավատ) և նշել, որ ովքեր սիրում են Աթաթուրքին, անհապաղ պետք է ապաշխարհեն:

Սոցկայքի բազմաիթվ օգտատերեր անմիջապես կոշտ արձագանքներ են հասցեագրել Յեշիլովային: Վերջինս էլ, ի պատասխան այդ գրառումների, կարճ եզրափակել է. «Աթաթուրքը դժոխքի առաջնորդն է»:

Ermenihaber.am