Ստամբուլում մայիսի 1-ը լարված է սկսվել. ոստիկանությունը կիրառում է արցունքաբեր գազ

Հասարակական09:02, 01 Մայիս 2014

Ստամբուլում մայիսի 1-ը լարված է սկսվել. ոստիկանությունը կիրառում է արցունքաբեր գազ

Ստամբուլի Թաքսիմ հրապարակում այսօր` մայիսի 1-ին, «Աշխատավորի և հանդուրժողականության օրը», տեղի են ունենում ցույցեր, բախումներ:

Ստամբուլի քաղաքապետարանն արգելել էր ցույցեր անցկացնել Թաքսիմ հրապարակում, բայց ցուցարարները փորձել են մտնել ոստիկանների խիստ հսկողության տակ գտնվող հրապարակ և դա լարվածության պատճառ է դարձել:

Թուրքական մամուլի տեղեկացմամբ` ոստիկանությունը կրկին կիրառում է արցունքաբեր գազ և ջրցան մեքնենաներ, իսկ ցուցարարները ոստիկանների վրա նետում են քարեր ու դյուրավառ հեղուկով տարաներ:

Լարված է ոչ միայն Թաքսիմը, այլ Ստամբուլի մյուս թաղամասները ևս: «Օքմեյդան թաղամասը մարտադաշտ է հիշեցնում» ,-գրում է թուրքական «Զաման» պարբերականը: Այստեղ քաղաքացիների և իրավապահ մարմինների միջև բախումներ են տեղի ունենում: Այրվում են մեքենաներ ու գրասենյակներ:

Հիշեցնենք, որ, ըստ նածատեսվածի, մայիսի 1-ին Ստամբուլում խստացված ռեժիմով ծառայության մեջ է գտնվում 39.000 ոստիկանության աշխատակից, որոնցից միայն 19.000-ը` Թաքսիմի շրջակայքում: 2013-ի ամռանը Թուրքիայում լայնորեն թափ առած հակակառավարական ցույցերի ալիքը մեկնարկել էր հենց Թաքսիմ հրապարակից:

Ermenihaber.am