Թուրք հրապարակախոսը Բուենոս Այրեսում դատապարտել է Թուրքիայի ժխտողական քաղաքականությունը

Հասարակական08:19, 05 Մայիս 2014

Թուրք հրապարակախոսը Բուենոս Այրեսում դատապարտել է Թուրքիայի ժխտողական քաղաքականությունը

Թուրք գրող, հրապարակախոս, գրահրատարակիչ, մարդու իրավունքների պաշտպան Ռագըփ Զարակոլուն Բուենոս Այրեսում այս տարի արդեն 40-րդ անգամ անցկացվող գրքի միջազգային ցուցահանդեսում հանդես եկել ելույթով: Զարակոլուն ելույթում դատապարտել է Հայոց ցեղասպանությունն ու քննադատել է Թուրքիայի ներկայիս կառավարության վարած ժխտողական քաղաքականությունը:

Զարակոլուն, խոսել է ցեղասպանության տարիներին սպանված հայ մտավորականների, ինչպես նաև վերջին տարիներին Թուրքիայում սպանված հայ լրագրող Հրանտ Դինքի մասին: Անդրադառնալով Թուրքիայում գրողների ձերբակալության հարցին` թուրք հրապարակախոսը կոչ է արել ազատ արձակել նրանց:

Ելույթում նա նաև նշել է, որ հպարտ է, որ կարողացել է հրատարակել 1993 թվականին Թուրքիայի և Գերմանիայի կառավարությունների կողմից արգելված «Մուսա լեռան 40 օրը» գիրքը:

Նշենք, որ Բուենոս Այրեսում անցկացվող գրքի միջազգային ցուցահանդեսում 40 երկրից 1600 մասնակից է եղել:

Ermenihaber.am