Սոցհարցում` Թուրքիայում. ո՞վ է լինելու նախագահ և ո՞վ` վարչապետ

Հասարակական11:10, 05 Մայիս 2014

Սոցհարցում` Թուրքիայում. ո՞վ է լինելու նախագահ և ո՞վ` վարչապետ

Թուրքիայում անցկացվել է սոցհարցում` պարզելու հանրային կարծիքը երկրի հաջորդ նախագահի ու վարչապետի հավանականության հարցում: Ըստ թուրքական «Հաբերլեր» լրատվականի` հարցման ենթարկված ավելի քան 4 հազար քաղաքացիների 15.2 տոկոսի համոզմամբ` Ռեջեփ Թայիթ Էրդողանի` Հանրապետության նախագահ ընտրվելուց հետո վարչապետը պաշտոնը կզբաղեցնի ներկայիս նախագահ Աբդուլլահ Գյուլը: Իսկ 7.5 տոկոսը կարծիք է հայտնել, որ հաջորդ վարչապետը լինելու է գլխավոր ընդդիմադիր ուժի` «Ժողովրդահանրապետական կուսակցության» առաջնորդ Քեմալ Քըլըչդարօղլու:

Ըստ քաղաքացիների ենթադրության` հավանական վարչապետի թեկնածուներ կարող են լինել «Ազգայնական շարժում» կուսակցության ղեկավար Դևլեթ Բահչելին (5.6 %), փոխվարչապետ Բյուլեթն Արընչը (4.9 %), արտգործնախարար Ահմեթ Դավութօղլուն (3.1 %):

Իսկ այն հարցին, թե օգոստոսին կայանալիք նախագահական ընտրությունների արդյունքում ով կլինի Թուրքիայի նախագահ, քաղաքացիների 24. 5 տոկոսը համոզվածությամբ տվել է Էրդողանի անունը: Ըստ հարցումների արդյունքներից ստացված հավանականության` Աբդուլլահ Գյուլը 2-րդ տեղում է (23.2 %), իսկ Իլքեր Բաշբուղը` 3-րդ տեղում (11.8 %): Վերջինս պաշտոնաթող գեներալ է, նախկինում գլխավոր էլ Թուրքիայի զինված ուժերի շտաբը:

Ermenihaber.am