Ռագըփ Զարաքոլուն` Բուենոս Այրեսի պատվավոր քաղաքացի

Հասարակական07:39, 08 Մայիս 2014

Ռագըփ Զարաքոլուն` Բուենոս Այրեսի պատվավոր քաղաքացի

Թուրք հրապարակախոս, լրագրող և մարդու իրավունքների պաշտպան Ռագըփ Զարաքոլուին Բուենոս Այրեսի քաղաքապետարանի կողմից «պատվավոր քաղաքացի» կոչմանն է արժանացել:

Բացի այդ, արգենտինացի պաշտոնյաների կողմից Զարաքոլուին շնորհվել է նաև արիության մեդալ` մարդու իրավունքների, այդ թվում ազգային փոքրամասնությունների իրավունքների, ինչպես նաև մտքի ազատության համար մղած պայքարի համար:

Նշենք , որ օրերս Զարաքոլուն Բուենոս Այրեսում մասնակցել է գրքի միջազգային ցուցահանդեսին, որտեղ հանդես է եկել ելույթով: Զարաքոլուն ելույթում դատապարտել է Հայոց ցեղասպանությունն ու քննադատել է Թուրքիայի ներկայիս կառավարության վարած ժխտողական քաղաքականությունը:

Զարաքոլուն, խոսել է ցեղասպանության տարիներին սպանված հայ մտավորականների, ինչպես նաև վերջին տարիներին Թուրքիայում սպանված հայ լրագրող Հրանտ Դինքի մասին: Անդրադառնալով Թուրքիայում գրողների ձերբակալության հարցին` թուրք հրապարակախոսը կոչ է արել ազատ արձակել նրանց:

Ermenihaber.am