Թուրքիայի վարչապետը հարվածել է ցուցարարի (տեսագրություն)

Հասարակական11:29, 15 Մայիս 2014

Թուրքիայի վարչապետը հարվածել է ցուցարարի (տեսագրություն)

Թուրքիայի վարչապետ Ռեջեփ Թայիփ Էրդողանին Սոմա շրջանի բնակչությունը դիմավորել է զայրույթի ու դժգոհության հուժկու ալիքով: Վարչապետին տեղափոխող ավտոմեքենան խցանվել-մնացել է հոծ բազմության մեջ: Քաղաքացիները կառավարության ղեկավարին թույլ չեն տվել հեռանալ: Էրդողանի թիկնազորը ստիպված է եղել նրան պատսպարել մոտակա խանութում` հեռու պահելով քաղաքացիների բարկացած գործողություններից:

Թուրքական «Հաբերլեր» լրատվական կայքըի տեղեկացմամբ` Էրդողանն ու նրա օգնական Բյուլեն Արընչը բավականին նյարդային պահվածք են դրսևորել:

«Կան պնդումներ այն մասին, որ խանութ մտնելու պահին սկսված քաշքշուկի ժամանակ վարչապետը բռունցքով հարվածել է այնտեղ գտնվողներից մեկին: Ինչից հետո փոխվարչապետ Արընչը, իր թևերով փակելով վարչապետին, նրան դուրս է հանել դեպքի վայրից»,- տեղեկացնում է թուրքական կայքը:

Հիշեցնենք, որ Թուրքիայի արևմտյան Մանիսա նահանգի Սոմա շրջանում գտնվող ածխահանքում մայիսի 13-ին տեղի ունեցած խոշոր վթարի հետևանքով զոհվել է 282 հանքագործ: Այդ աղետի կապակցությամբ Թուրքիայում հայտարարվել է եռօրյա սուգ: