Էրդողանից ապտակ ստացած հանքափորը ներողություն է ակնկալում

Հասարակական08:30, 16 Մայիս 2014

Էրդողանից ապտակ ստացած հանքափորը ներողություն է ակնկալում

Թուրքիայի Մանիսա նահանգի Սոմայի շրջանում ածխահանքերից մեկում տեղի ունեցած ողբերգության վերաբերյալ վարչապետ Ռեջեփ Թայիփ Էրդողանի մեկնաբանությունը, թե նման բաները սովորական երևույթներ են, բողոքի պատճառ էր դարձել: Սոմայի քաղաքապետարանի մոտ անցկացվող բողոքի ակցիա ժամանակ վարչապետը ստիպված էր պատսպարվել խանութում, որտեղ մուտքի մոտ հարվածել մի քաղաքացու:

Թաներ Քուրուջուն թուրքական «Քանալ Դ» հեռուստալիքի ուղիղ եթերում հայնտել է, որ Էրդողանի հարվածից հետո իր վրա են հարձակվել նաև նրա թիկնապահները:

Քուրուջուն հայտնել է, որ ինքը կապ չուներ ցուցարարնների հետ և խանութ էր գնացել պարզապես գնումներ անելու համար: Իմանալով վարչապետի խանութ գալու մասին՝ ցանկացել է տեսնել նրան, սակայն ամբոխի հրմշտոցների հետևանքով հայտնվել է Էրդողանի դեմ դիմաց, որն էլ, ըստ Քուրուջուի, ամբոխի վրա բարկացած իրեն է հարվածել: Նա նաև ցույց է տվել մարմնի վրա առկա բռնության հետքերը, որոնք հասցրել էին Էրդողանի թիկնապահները: Հարցին, թե արդյոք բողոք կներկայացնի վարչապետ Էրդողանի դեմ, Քուրուջուն բացասական է պատասխանել, սակայն նշել է , որ Էրդողանից ներողություն է ակնկալում: