Դիարբեքիրի նախկին քաղաքապետը ԱՄՆ-ում հանդիպել է հայկական համայնքի ներկայացուցիչների հետ

Հասարակական08:05, 21 Մայիս 2014

Դիարբեքիրի նախկին քաղաքապետը ԱՄՆ-ում հանդիպել է հայկական համայնքի ներկայացուցիչների հետ

Դիարբեքիրի նախկին քաղաքապետ Օսման Բայդեմիրը ԱՄՆ-ում հանդիպումներ է ունեցել հայկական համայնքի ներկայացուցիչների հետ: Բայդեմիրը Նյու Ջերսիում հանդիպել է Դիարբեքիրից ԱՄն գաղթած հայերի հետ:

Դիարբեքիրի հայկական եկեղեցու հիմնադրամի ղեկավար խորհրդի նախագահ Էրգյուն Այըքի մասնակցությամբ տեղի ունեցած հանդիպման ժամանակ 2 տարի առաջ վերաբացված Դիարբեքիրի եկեղեցու համար դրամահավաք է անցկացվել:

Էրգյուն Այըքը նշել է, որ չնայած ավերակի վերածված եկեղեցին Թուրքիայի, Ամերիկայի, Կանադայի և Եվրոպայի հայերի նվիրատվությունների շնորհիվ վերականգվեց, այնուամենայնիվ, Դիարբեքիրի քաղաքապետարանի աջակցությունն էլ քիչ չի եղել:

Օսման Բայդեմիրը, իր հերթին հանդես գալով ելույթով, ասել է. «Միջագետքը և Քուրդիստանի տարածքը այստեղ ապրող բոլոր ժողովուրդների հայրենիքն է: Ցավոք, շատ մեծ աղետներ ենք ունեցել, և որոշ ժողովուրդներ ստիված են եղել թողնել իրենց հողերն ու հեռանալ: Առաջին հերթին սա վերաբերում է մեր եղբայր ժողովրդին` հայերին»:

Ermenihaber.am