Թուրք տղամարդը բուլդոզերով քանդել է իրենից բաժանվել ցանկացող կնոջ տունը

Հասարակական13:29, 21 Մայիս 2014

Թուրք տղամարդը բուլդոզերով քանդել է իրենից բաժանվել ցանկացող կնոջ տունը

41-ամյա թրքուհի Գուլբահար Դեղիրմենը իր 16 տարվա ամուսնուց ապահարզան ստանալու համար մոտ մեկ ամիս առաջ դիմել է դատարան և այդ պահից սկսած ամուսնու կողմից ենթարկվում է հոգեբանական և ֆիզիկական բռնության: Գրում է թուրքական «Էնսոնհաբեր» լրատվական կայքը:

Ըստ աղբյուրի` զայրացած ամուսնու վերջին արարքը ցնցել է ողջ Թուրքիան: Բանն այն է, որ ամուսինը պահանջել է կնոջից ազատել իրեն պատկանող երկհարկանի տունը, սակայն կինը մերժել է և ամուսինը փորձել է տարբեր միջոցներով ստիպել կնոջը դուրս գալ տնից:

«Սկզբում տան էլեկտրաէներգիան անջատեց, սակայն ես չհանձնվեցի , բայց օր օրի ճնշումը ավելանում էր: Իսկ այսօր հարևաններս զանգեցին ու ասացին , որ ամուսնինս բուլդոզերով քանդում է տունս »,- պատմում է կինը և ավելացնում. «Տանս վիճակը տեսնելով`ոստիկանություն կանչեցի, սակայն ինձ ասացին «մենք ոչ մի բան չենք կարող անել, դատախազություն գնա: Այնտեղ էլ գնացի բողոքեցի: Բայց ես հիմա ի՞նչ եմ անելու, ո՞րտեղ եմ ապրելու: Ո՞ւր են կնոջ իրավունքների պաշտպանները»:

Ermenihaber.am