Անկարայում բախում է տեղի ունեցել ոստիկանների ու ցուցարարների միջև

Հասարակական06:47, 24 Մայիս 2014

Անկարայում բախում է տեղի ունեցել ոստիկանների ու ցուցարարների միջև

Նախօրեին Անկարայում գտնվող Միջին Արևելքի Տեխնիկական Համալսարանում (ODTÜ) հավաքվել են մի խումբ ցուցարարներ և բողոքի ակցիա անցկացրել` Ստամբուլում ոստիկանների և ցուցարարների միջև բախումների ընթացքում ոստիկանի կողմից սպանված ցուցարարի համար:

Այս անգամ ևս ոստիկանությունը միջամտել է` կիրառելով արցունքաբեր գազ, ջրցան մեքենաներ, ռետինե փափուշտներ: Ցուցարարները դիմադրություն են ցույց տվել և նրանց ու ոստիկանների միջև բախում է տեղի ունեցել:

Հիշեցնենք` մայիսի 22-ին Ստամբուլում ոստիկանների և ցուցարարների միջև բախման ժամանակ մահացել էր ոստիկանի կողմից գլխի շրջանում ծանր վնասվածք ստացած ցուցարար Ուղուր Քուրթը: Ենթադրվում է, որ Քուրթին սպանած ոստիկանը հրազեն է գործադրել: Բախումը սկսվել էր այն ժամանակ, երբ մի խումբ քաղաքացիներ ոգեկոչելիս են եղել ավելի վաղ ոստիկանների կողմից սպանված 15-ամյա Բերքին Էլվանի հիշատակը:

Ermenihaber.am