Թուրքիայում ևս մեկ ցուցարար զոհ գնաց ոստիկանության բիրտ գործողություններին. 64-ամյա թրքուհին մահացել է

Հասարակական09:18, 30 Մայիս 2014

Թուրքիայում ևս մեկ ցուցարար զոհ գնաց ոստիկանության բիրտ գործողություններին. 64-ամյա թրքուհին մահացել է

64-ամյա թրքուհի Էլիֆ Չերմիքը , անցած տարվա դեկտեմբերի 22-ին Ստամբուլում հակակառավարական բողոքի ակցիայի ժամանակ ոստիկանության կողմից կիրառված արցունքաբեր գազի պատճառով սրտի կաթված էր ստացել և անգիտակից վիճակով տեղափոխվել հիվանդանոց: 159 օր կոմայի մեջ մնալով` կինը այսօր մահացել է:

Ըստ «Ռադիկալ» թերթի` 2 երեխաների մայր Էլիֆ Չերմիքը մասնակցել էր երկրում կոռուպցիոն սկանդալից հետո տեղի ունեցեղ բողոքի ակցիաներից մեկին: Բողոքի քայլերթի ժամանակ նա լրագրողի այն հարցին, թե ինչպիսի երկիր է ուզում, ասել էր «Լավ երկիր եմ ուզում» :

Թուրքական «Ռադիկալ » թերթում կնոջ մահվան վերաբերյալ լուրը կրում է « Լավ երկիր ցանկացող Էլիֆ Չերմիքն արդեն չկա» վերնագիրը:

Հիշեցնենք, որ այս տարվա մարտի 11-ին 269 օր կոմայի մեջ մնալուց հետո մահացել էր 15-ամյա Բերքին Էվլանը, ով կոմայի մեջ էր ընկել Գեզիի ցույցերի ժամանակ ոստիկանության կողմից կիրառված գազային ատրճանակից հասցված ծանր վնասվածքի պատճառով:

Ermenihaber.am