Առաջարկ կա Թուրքիայում բնակվող հայերին քաղաքացիություն շնորհել

Հասարակական06:57, 05 Հունիս 2014

Առաջարկ կա Թուրքիայում բնակվող հայերին քաղաքացիություն շնորհել

«Թյուրքական համաշխարհային ֆորում» կառույցի «Իմաստուն մարդկանց խորհուրդ»-ը գումարել է ժողով, որի արդյունքում կազմվել է «Միջանկյալ արդյունքներ» անվամբ զեկույց: Զեկույցում նշյալ խորհրդի կազմում ընդգրկված անվանի գիտնականները, մտավորականները հանդես են եկել մի շարք պատմական առաջարկներով: Դրանք ներկայացնում է «Թայմ Թուրք» լրատվական ծառայությունը:

Նշվում է, որ խորհրդի անդամները դրական են վերաբերվում ապրիլի 24-ի նախօրեին Թուրքիայի վարչապետ Ռեջեփ Թայիփ Էրդողանի` հայությանը հղած ցավակցական ուղերձին: Բացի այդ առաջարկում են Թուրքիայում բնակվող հայերին քաղաքացիություն շնորհել, վերանորոգելով «Հյուսիսային Կիպրոսի Թուրքական Հանրապետությունում» գտնվող վանքերի հույներին պատարագ մատուցելու հնարավորություն տալ:

Ըստ զեկույցի` անդրատլանտյան և անդրխաղաղօվկիանոսյան կառույցներով պետք է նոր կարգ հիմնել, նախաձեռնողականություն հանդես բերել, պետք է թյուրքական հանրապետությունների համալսարանների կողմից ընդունելի դարձնել միմյանց դիպլոմները, ձևավորել հաղորդակցության ընդհանուր լեզու:

«Մոնղոլիայի, Չինաստանի և Ռուսաստանի թյուրքերը վերացման եզրին են, այդ առումով շտապ պետք է UNESSCO-ին գործի մղել»,- ասված է զեկույցում:

Ermenihaber.am