Ստամբուլում դանակահարվել է երեք հայ, մեկը տեղում մահացել է

Հասարակական06:35, 16 Հունիս 2014

Ստամբուլում դանակահարվել է երեք հայ, մեկը տեղում մահացել է

Ստամբուլի Ֆաթիհ թաղամասում հունիսի 14-ի երեկոյան տեղի է ունեցել վիճաբանություն, որի հետևանքով անհայտ անձինք դանակահարել և մարմնական վնասվածք են պատճառել երեք հայի, որոնցից մեկը մահացել է:

Թուրքական «TRT հաբեր» լրատվականը տեղեկացնում է, որ սպանվածը 36-ամյա Համբարձում Հարությունյանն է, ով մահացել է հենց դեպքի վայրում: Նրա որդին` 11-ամյա Գառնիկ Համբարձումյանը և ընկերը` 30-ամյա Մարտինը (ազգանունը նշված չէ) դանակահարվել են: Վիրավորները շտապ հոսպիտալացվել են:

Տուժողներից Մարտինը Ստամբուլի ոստիկանությանը հայտնել է, որ իրենց վրա հարձակվել էր երեք հոգանոց մի խումբ, իսկ դանակահարությունից անմիջապես հետո դիմել փախուստի: Դեպքի առթիվ հարուցվել է քրեական գործ, կատարվում է նախաքննություն:

Հավելենք, որ թուրքական որոշ լրատվամիջոցներ (Զաման, Սի Էն Էն Թուրք) նշում են, որ սպանված և վիրավորված հայերը Հայաստանի Հանրապետության քաղաքացինե են:

Ermenihaber.am