Ահմեթ Հաքան. «Գյուլենին հարվածելու համար ասում են, որ նրա մայրը հայ է»

Հասարակական09:21, 12 Հուլիս 2014

Ահմեթ Հաքան. «Գյուլենին հարվածելու համար ասում են, որ նրա մայրը հայ է»

Թուրք անվանի լրագրող և վերլուծաբան Ահմեթ Հաքանը քննադատական արձագանք է տվել օրերս թուրքական «Աքիթ» թերում հրապարակված մի հոդվածի, որտեղ խոսք է գնացել գյուլենական շարժման առաջնորդ Ֆեթուլլահ Գյուլենի հայկական հնարավոր ծագում ունենալու մասին: Տեղեկացնենք, որ այդ հրապարակման մեջ նշվում էր, թե Գյուլենի մայրն ազգությամբ հայ է:

«Հյուրրիյեթ»-ի սյունակագիր Հաքանը նկատել է տալիս, որ Գյուլենին հարված հասցնելու համար հոդվածում գրել են, թե նրա մայրը ծագումով հայ է և դրանով հերթական անգամ «հայ» բառի հանդեպ ատելություն ու հակակրանք սերմանել: Հաքանը նման արարքը դատապարտում է և որակում իբրև հանցագործություն: Մեղքի գլխավորը բաժինը, ըստ նրա, պետությանն է, ավելի ստույգ` թուրքական իշխանություններինը:

Ահմեթ Հաքանը ևս մեկ անգամ փաստում է, որ թուրքական «Աքիթ» թերթը հայատյացություն սերմանելու գործին է լծված:

Հիշեցնենք, որ Գյուլենը լուրջ հակամարտության մեջ է Թուրքիայի վարչապետ Ռեջեփ Թայիփ Էրդողանի հետ: Նախկին դաշնակիցներ գյուլենականներն ու այսպես ասած` էրդողանականները հիմա առճակատման են դուրս եկել:

Ermenihaber.am