Թուրք բողոքավոր ակտիվիստներ. «Անիծյալ լինի Ամերիկան», «Անիծյալ լինի Իսրայելը»

Հասարակական08:53, 16 Հուլիս 2014

Թուրք բողոքավոր ակտիվիստներ. «Անիծյալ լինի Ամերիկան», «Անիծյալ լինի Իսրայելը»

Ամերիկայի Միացյալ Նահանգների` Ադանայում գտնվող գլխավոր հյուպատոսությունը նախաձեռնել էր Դիարբեքիրի Դաղքափը հրապարակում քաղաքացիներին մատուցվելիք իֆթարի ճաշի կազմակերպել:

Քաղաքապետարանի տրամադրած վրանների տակ պետք է տեղի ունենար նախատեսված մասսայական ճաշկերույթը: Բայց մինչև ճաշի սկսելու սահմանված ժամը մի խումբ ակտիվիստներ ներխուժել են Դաղ քափը հրապարակ, «Ալլահ աքբար» աղոթքը հնչեցրել, վառել ԱՄՆ-ի դրոշը և վրանները հողին հավասարեցրել: Գրոհային խումբը, ըստ թուրքական «Դողան հաբեր» լրատվական գործակալության, կազմված է եղել իսլամիստական շրջանակներին հարող ավելի քան 200 մարդուց: Նրանք կոտրել են պատահած սեղաններն ու աթոռները` գոռում-գոչյունով վանկարկելով «Անիծյալ լինի Ամերիկան», «Անիծյալ լինի Իսրայելը»:

Դեպքի վայրից քիչ հեռու գտնվող ոստիկանական ուժերը չեն միջամտել անկարգություն կատարած ակտիվիստներին, ինչից դժգոհել են քաղաքապետարանի աշխատակիցները: Դիմադրություն են փորձել ցույց տալ միայն ներկա գտնված քաղաքացիներից մի քանիսը, սակայն արդյունքում 5 հոգի վիրավորել է և հոսպիտալացվել:

Ermenihaber.am