Թուրքիայում Գազայի զոհերի համար եռօրյա սուգ է հայտարարվել

Հասարակական09:36, 23 Հուլիս 2014

Թուրքիայում Գազայի զոհերի համար եռօրյա սուգ է հայտարարվել

Թուրքիայի փոխվարչապետ Բյուլենթ Արընչը, խոսելով եռօրյա սուգ հայտարարելու որոշման մասին, ասել է. «Պաղեստինցի ժողովրդին մեր զորակցությունը ցույց տալու համար երկրում սուգ հայտարարելու վերաբերյալ որոշում ենք կայացրել: Իսրայելը պետք է դադարեցնի պաղեստինցի ժողովրդի վրա այս դաժան հարձակումները»:

Սուգը կտևի հուլիսի 22-ից 24-ը: Թուրքիայում պետական հիմնարկությունների շենքերին ամրացված դրոշները կիսով չափ իջեցվել են: Հայտնում է «BBC»-ի թուրքական ծառայությունը:

Հիշեցնենք, որ նախօրեին Թուրքիայի նախագահական նստավայրի մամուլի կենտրոնը տարածել է գրավոր հայտարարություն, որի միջոցով նախագահ Աբդուլլահ Գյուլը պետության ու թուրք ժողովրդի անունից վշտակցություն է հայտնել Գազայի զոհերի համար Պաղեստինում հայտարարված եռօրյա սուգին: Գյուլը կոչ է արել բոլոր շահագրգիռ կողմերին լուրջ նախաձեռնություններով ձեռնամուխ լինել արդար և կայուն խաղաղության հաստատմանը:

Ermenihaber.am